Mere kuch sawal hain jo sirf kayamat k roz puchunga tumse,kyunki usse pehle tumhari meri bat ho, is layak nahi ho tum

Main janna chahta hu k rakib se sath yuhi chalte hu bekhayali me hath takra jata hai tumhara?
Kya apni ungliyon se uska hath tham liya karti ho.. kya waise hi jaise mera tham liya karti thi?

Kya bta di bachpan ki sari kahaniya tumne usko? jo rat rat bhar baith kr sunai thi tumne mujhe?
Kya dudh wali maggi banana tumne sikha diya usko?

Ye kuch sawal hain mere jo sirf kayamat k roz puchunga tumse,kyunki usse pehle tumhari meri bat ho, is layak nahi ho tum.

Main puchna chahta hu, k kya usko bhi seene se laga k matha chumti ho tum? jaise mera chuma karte the?

Kya harf me uske liye bhi dua likhti ho tum? Jaise mere liye likha karti thi?

sard raton me, band kamre me, meri nagi peeth par harf dar harf apna jo nam ungliyon se likhti thi tum?
kya uski peeth par bhi apna nam likhti ho tum?

Ye kuch sawal hain mere jo sirf kayamat k roz puchunga tumse,kyunki usse pehle tumhari meri bat ho, is layak nahi ho tum.

LEAVE A REPLY

Please enter your comment!
Please enter your name here